Wir bedanken uns beim Elite Openair und allen Besuchern für den wunderbaren Abend! Es war schön bei euch in Langnau! Für uns geht es am 26. September wieder auf die Bühne. Mit unseren Freunden von Harlekin stürmen wir die Mahogany Hall, den ältesten Musikclub in Bern. Kommt vorbei. Wird gut! Seeeehr gut.
Jaaaa, mir si no daaaa!
Mir dörfe das Jahr am grandiose Elite Openair ds Langnou ufträtte! Am Friti, 4. Septämber, 18:00 lege mir los. Dä Abe wird mundartig mit Kaiser & Dimitri sowie Kummerbuben wo nach üs wärde spiele! Ah, u nid vergässe am Sunndi no dr Hanery Amman ga ds luege!
Nachem Openair chöi mir de ono i dr Mahogany Hall sowie am dritte Punkrock Marathon im Impro spiele! U natürlich si mir näbebi geng chli am neui Songs erschaffe… Längwilig ischs üs definitiv nid! Auuuso, lütte mir dä Herbscht mau i. Bis denn!
Phil, Mätu, Don & Kobe
Guete Tag liebi Lüt!
So mir läbe no, trotz Hitz. U mir hei sogar no gueti News: Am Friti, 31. Juli (21:30 Uhr) spiele mir am Terassefescht bim Il Caffe ds Langnau. E ganz e schöne Alass mit feinem Ässe (Grill und Crêpes), Bar, DJ usw! Dert gömer mau ga luege wöu das chunnt guet!
Aui Infos zum Event: Hie klicke!
Di neue SMG Shirts si da!
Di Platte isch touft, eifach geil isches gsi. Mir bedanke üs bi euch aune vo Härze! Nach 12 Jahr Bandgschicht e settige Abe mit so vieune guete Lüt dörfe ds erläbe, isch nid säubstverständlech u freut üs huere! Mir wünsche vieu Spass mitem neue Album! Thx A.F. und Harlekin für di geile Shows und eui Ungerstützig! Danke darkBox.ch, Lüku fürs choche, Morgi fürs Mische und aune angere Häufer! Hie gits Fotos! Ab hüt gits üsi neue T-Shirts und ds Album im Shop (und digital uf iTunes).
Heit sorg u bis bald. SMG⚓
Fotos Plattentaufe „Dr Wäg ads Meer“
Ahoi Landratte! Ds Video zu „Dr Wäg ads Meer“ isch fertig. Viele härzliche Dank, Philipp Beck für das wunderbare Wärk! Mir hei huuuere Freud! Iz hoffe mir, euch gfauts o. Bis ar Plattetoufi! d’Seemänner
Album Release: 30. Mai 2015
Alle Infos zur Plattentaufe: www.facebook.com/events/747758782010257/
Philipp Beck: www.facebook.com/philipp.beck.587