Es guets Neus, o dene wo nid mit üs Gsylvesteret hei! Es grosses Merci a aui wo üs letscht Jahr treu begleitet hei, a die wo üsi Songs lose, a aui wo üsi Shirts träge (oder die wo no eis möchte: hie billig bsteue), a Bassman Micha fürd Ungerstützig, a aui wo ganz eifach d Musig no schetze u wo so üse Aatrib si, es witers Jahr im chaute Chäuer z Probe und neui „Hits“ z’schribe! 2015 bringt es erschts Konzert: Am 17.1. reise mir uf Saane ids Oeyetli. Kobe het sehr gueti Erinnerige a dä Ort (siehe Bild). Mir dörfe dert (ire Sonderformation: Phil Drums, Micha Bass – da dr Don wieder mau ds Hawaii isch) üses erste Konzärt im neue Jahr spiele. Vorfreud!!!
Witer si mir natürlech ide Vorbereitige für d’Veröffentlichung vom neue Album „Dr Wäg ads Meer“. Aui Infos da derzue folge churzum! Cheers d’Seemänner
Danke liebi Lüt für dä wahnsinns Abe im Stärne! Hie es paar Impressione. Es isch wieder mau e verdammte huere Spass gsi!
