E huere guete Abe isches gsi am Samschti.
Merci ads Stärne Team, aune wo si cho u vorauem ar Faa und em Micha füre Isatz! Nach em ne 4-stündige Konzärt, wo gäge Schluss (wie immer im Stärne) e chlini Jam-Session und es Wunschkonzärt worde isch, hei mir aui no 1-2 Schlummertrunk gno u si de glücklech is Näscht! Es isch e Freud gsi. Im Früehlig de wieder!
Am 28. Dezämber spiele mir mit Bosca im Chäschäuer Sumiswald! Wintermeisterparty ahoi! Bis denn. D’Seemänner
Grüessechmitenang!
Morn isch scho wieder üses Folk-Konzärt im Stärne a dr Reihe! Mir hei gmüetlech über 30 Songs im Programm, freue üs uf dunku’s Bier, gueti Stimmig und vieu fröhlechi Lüt! Beginn: 20:00 Uhr!
See you in the pub!
Hallo Zäme. Zersch mau DANKE für eue grandios Support im Impro! Es isch eifach wieder dr Wahnsinn gsi. Dr Typ hinger dr Bar het üs gseit, är heig scho lang nüm sovieu ds tüe gha. :) So mueses äbe si. Thanks people! Es speziells Danke geit hie no a Phippu Beck, wo üs derzit mit dr Kamera begleitet und e riese Job macht! Gli gits de wieder chli bewegti Bilder vo üs ds gseh.
Witer geits mit em ne absolute Highlight für üs: Mir dörfe am 15. November i däm Club ufträtte, wo mir scho diversi ganz grossi Bands gseh hei. Im Kofmehl Solothurn! Mir freue üs ungloublech uf dä Abe! Mit derbi si wieder di grandiose Your All Time Favourites! Bringe mir dä Schuppe zum Choche! Wär es Ticket uf sicher möcht, cha sich hie eis reserviere: Tickets | Seemannsgarn @ Kofmehl
Fründe, mir gseh üs gli! U löt nech nid la us dr Rueh bringe! Cheers d’Seemänner
Danke Huttwil!
Hey people, mir spiele am Samschti, 26. Oktober mit Grasburg und Your All Time Favourites im Impro ds Huttwil. Mir freue üs uf Aui wo chöme u wärde sicher wieder CDs und Shirts für euch derbi ha. Ä geile Club, feins Offe-Bier und gueti Lüt! Was wott me no meh?
Das Plakat hei mir letscht Samschti vorem Impro gseh.
Gueti Lüt, super Organisation u ds Wätter het (doch no) mitgmacht! Ds Rock the Bridge isch huere guet gsi! Merci aune!
